A. INTRODUSAUN

Kartaun SIM Estudante nu'udar Kartaun SIM ne'ebé oferese ba kliente estudante sira ne'ebé mak sei ativu hela ho sira-nia estudu iha universidade ka eskola sekundáriu sira iha teritóriu nasionál Tiimor-Leste nian. Objetivu husi kartaun SIM Estudante mak atu fó apoiu ba komunikasaun ba estudante sira liuliu ho sira-nia inan aman no uza internet ho presu ne’ebé barratu atu nune’e sira bele sente fasil ho sira-nia atividade eskola nian.

B. KRITÉRIU

1. Tenke iha kartaun Estudante ne’ebé mak sei válidu.
2. Tenke sai hanesan estudante ne’ebé mak sei ativu iha eskola.
3.  Lori kartaun Estudante ba rejista iha fatin promosionál (kampus ka eskola).

Nota: Kartaun Estudante ida bele uza de’it kartaun SIM estudante ida

C. BENEFÍSIU

1. Simu pulsa promosaun ba internet ho montante $30 bainhira halo ativasaun ho validade loron 7.
2. Depoizde ativasaun, kada fulan sei simu pulsa $30 ba internet, minutu 100 ba xamada on-net (entre númeru Telemor) ho validade loron 7.
3. Simu bonus 150MB  bainhira rejista pakote limitadu ho folin $1 ka liu.
4. Bele rejista pakote DUE (Folin $1, asesu internet ilimitadu durante loron 2/oras 48).