TELEMOR SELEBRA NINIAN ANIVERSÁRIU BA DA 11 KONA-BA INVESTIMENTU NO KONTRIBUISAUN IHA TIMOR HO NIA TEMA “APRESIA”

𝐃𝐢𝐥𝐢, 𝟐𝟐 𝐀𝐠𝐨𝐬𝐭𝐮 𝟐𝟎𝟐𝟑 - Iha loron 22 Agostu 2023, Telemor selebra Aniversáriu ba da-11 Investimentu no Kontribuisaun iha Timor-Leste ho ninia tema "Apresiasaun" iha Salaun Multiusos GMN
Eventu refere hetan partisipasaun husi Prezidente ANC, Sr. João Olivio Freitas, membru governu sira seluk, inklui CEO sira husi kompañia lokál no internasionál sira, nune'e mós reprezentante ONG lokál no internasionál sira ne'ebé opera iha Timor-Leste.
Eventu ne'e mós  iha espozisaun servisu no produtu sira husi Telemor, liu-liu servisu sira  ICT hanesan CYBER SECURITY, SMART SUSTANAIBLE CITIES SSC (SMART CITY) and REVOLUTIONARY ERA no mós kona-ba servisu Telemor sira seluk hanesan e-wallet Mosan, super app Kakoak, Timor TV. ho objetivu atu introdús servisu ICT oin-oin husi Telemor atu nune'e vizitante sira bele hatene servisu sira-ne'e no esibisaun ne'e atrai tebes vizitante sira durate event, tanba Tvizitante sira ho antusiasmu hodi vizita no haree Telemor nia servisu sira-ne'e iha kada ekspozitor. 
CEO Telemor, "Sr. Tran Van Bang (Brian) iha ninia diskursu hateten: "Ohin kalan, Telemor organiza eventu B2B iha Salaun Multiusos ho objetivu atu agradese ba governu Timor-Leste, kliente sira, no mós atu introdús solusaun ICT foun ba empreza sira iha Timor-Leste, tanba ita hotu hatene katak, mundu ne'e sai dijitál, tanba ne'e presiza duni prezensa servisu dijitál sira iha mundu modernu. Ami koko atu lori solusaun dijitál barak liután ba Timor-Leste, ho esperansa atu kria komunidade dijitál iha nasaun furak ida-ne'e, tanba ami fiar katak, moris sei fasil liu no fasil liu tan bainhira ami iha prezensa servisu dijitál iha nasaun ida-ne'e"
Iha parte seluk mós Presidente ANC Sr, “João Olivio Freitas iha ninia diskursu hateten, "Ha'u kontente tebes hamrik iha ne’e hodi kongratula fornesedór servisu movel ida-ne'ebé selebra ona aniversariu ba da-11. Ohin ita halibur hamutuk iha ne'e laos deit atu selebra aniversáriu maibé mós selebra kreximentu inovasaun no estadu kompromisu atu liga ita hodi ba konese liu mundu teknolojia. Telemor nia viajen sai nu'udar testamuña ida kona-ba determinasaun vizaun podér nian no estratéjia ne'ebé di'ak tebes, iha okaziaun ida-ne'e mai ita hanoin fali kona-ba realizasaun ne'ebé mak halo iha enkuadramentu ne'ebé mak ohin loron diak tebes”
Atu simu aniversáriu ba da-11 ne'e, Telemor prepara ona programa oioin no promosaun boot ba nia kliente sira, hanesan promosaun Lucky Spin, promosaun ida-ne'ebé permite kliente sira atu manán prémiu atrativu barak husi Telemor. Telemor Fintech mós fornese 100% promosaun ba kliente sira ne'ebé sosa pakote internét iha aplikasaun Mosan.
Aleinde ne'e, atu komemora aniversáriu ba da-11, Telemor lansa loja Telemor foun iha Timor Plaza Dili hodi atualiza ba kliente sira hodi ba no bele senti  esperiénsia foun husi loja Telemor, no mós harii Antena iha área remota Suai Fatululik hodi suporta populasaun iha rai refere atu asesu ba internét. elemor mós hanesan operador telekomunikasaun dahuluk ne'ebé lansa  eSIM iha Timor-Leste.
Hafoin tinan 11 iha Timor, Telemor nafatin la'o ba oin, no Telemor iha kompromisu atu fornese solusaun inovativu no servisu esepsaun ba nia kliente sira. Telemor sei kontinua investe iha nia povu, prosesu no teknolojia hodi asegura katak Telemor sei nafatin iha indústria nia oin.
Aleinde ne'e, Telemor mós lidera implementasaun produtu teknolojia foun sira hanesan 3G, 4G, no 4G+, nune'e mós fornese servisu e-wallet no sai parseiru Facebook, Google, no Tiktok iha Timor. Telemor mós nu'udar operador rede dahuluk ne'ebé lori esperiénsia dijitál ne'ebé seidauk akontese antes ne'e ba utilizadór sira ho produtu sira hanesan loja filme webfilme-lokal-Cinema.tl, televizaun movel Timor-Leste, MOSAN e-wallet, no aplikasaun super Kakoak.
Liu-liu, realizasaun hirak-ne'e mós hetan rekoñesimentu husi Estadu no Governu Timor. Iha tinan 2017, Telemor hetan onra ho Medalla Onra ba Telemor nia atividade no kontribuisaun pozitivu ba dezenvolvimentu komún nasaun nian, ne'ebé Ministru Asuntus Internus fó ona. Iha tinan 2019, ho servisu e-wallet Mosan, Telemor hetan rekoñesimentu nu'udar "Best Financial Institution of the Year" husi Banku Sentral Timor Leste.
La'ós de'it ida-ne'e, Telemor mós kontribui ona ba imajen internasionál Timor-Leste nian iha área teknolojia nian, tanba Telemor nu'udar kompañia boot iha Timor hodi partisipa no manán prémiu internasionál ne'ebé prestijiozu. 4 International Business Awards iha 2014, 2015, 2020, no 2021; 2 World Communication Awards (2015); no, foin lalais ne'e, IT World Awards (Junu 2022). Prémiu internasionál osan-mean husi p Globee business award ba kategoria 3 hanesan: Agency of the year for IT (advertising and Marketing).(May 2023).ha tempu ne'ebá, kolega internasionál sira hatene liu tan kona-ba nasaun joven hanesan Timor iha mapa teknolojia.