TELEMOR ATUALIZA LOJA HODI KLIENTE SIRA BELE HETAN ESPERENSIA NE'EBE FURAK

Eventu abertura boot ba lansamentu Loja foun Telemor nian ne'ebé hala'o iha Timor Plaza iha 17/03/2023 konta ho partisipasaun husi figura importante oioin hanesan Direitor Tekniku ANC, Sr. Vidal dos Santos, Sr. Jose Januario Reis, CEO Metrolink, Sr. Tony Jape, Prezidente Ezekutivu Jape Group, no konvidadu sira seluk hanesan reprezentante husi Grand Dragon, BNCTL no sira seluk tan. 
Abertura boot ba Loja foun Telemor nian ne'e hala'o liuhusi tesi fita ida husi CEO Telemor nian, Sr. Tran Van Bang no Diretor Tekniku ANC Sr. Vidal dos Santos ne'ebé akompañia husi reprezentante sira husi Jape Group, Metrolink, BNCTL, reprezentante sira husi parseiru sira seluk, no mós kliente Telemor nian atus 200 resin ne'ebé partisipa mós iha abertura boot nee. 
Iha ninia diskursu, Sr. Tran Van Bang, CEO Telemor nian, dehan: " Estabelesimentu Loja foun iha Timor Plaza ne'e importante tebes tanba Timor Plaza hanesan sentru komersiál ida ba sidadaun sira iha Dili no Timor Leste. Hahú ohin loron, kliente sira husi Telemor mós bele mai iha loja foun Telemor bainhira halo komprasn iha Timor Plaza atu hatene ami-nia polítika foun no atrativu sira, servisu foun sira no atu hetan apoiu husi ami-nia kolega sira." 
 CEO Telemor mós agradese tebes ba Sr. Tony Jape no Sr. Alan Jape tanba fó oportunidade atu aluga fatin furak ne'e iha Timor Plaza. 
 Iha tempu hanesan, Diretor Tekniku ANC, Sr. Vidal dos Santos, kongratula no agradese ba Telemor ba lansamentu Loja foun ne’e, no nia mós agradese tebes ba Telemor ba lansamentu tore foun CO017 iha Covalima ne'ebé hala'o iha loron 10/03/2023 ne'ebé ajuda tebes povu Fatululik iha área servisu telekomunikasaun. 
Entretantu, Prezidente Ezekutivu Jape Group, Sr. Tony Jape, kongratula mós Telemor ba abertura boot ba sala espozisaun foun ne’e, no mós agradese Telemor tanba sai ona hanesan lokatariu permanente iha Timor Plaza. 
Objetivu husi abertura boot ba Loja foun ne'e mak atu loke ofisialmente sala espozisaun foun ida ba kliente sira husi Telemor atu hala'o tranzasaun oioin hanesan sosa SIM card, pulsa, telemovel, no seluk tan. 
Iha abertura boot ba loja foun ne’e, Telemor mós hala'o atividade oioin ba partisipante sira hanesan fó kartaun SIM ne'ebé gratuita ba kada partisipante, fila-fali ba ema na'in 100 ne'ebé halo tranzasaun ho valór tranzasaun $1 ka liu, no Telemor mós sei iha sorteiu boot ida iha 23/03/2023 kalan liuhusi live streaming iha pájina facebook Telemor nian semana ida hafoin abertura boot ne'e ho prémiu oioin hanesan Pakote KING, Pakote Diamond ne'ebé sei simu durante fulan 6 husi manán-nain sira no pulsa ba manán-nain 30. 
Telemor hein katak abertura boot ba sala espozisaun foun ida-ne'e sei ajuda duni kliente sira husi Telemor ho sira-nia ezijénsia hotu kona-ba servisu telekomunikasaun husi Telemor tanba fatin ne'e estratéjiku liu no asesivel liu.