VISE PREZIDENTE VIETTEL GROUP, SR. DAO XUAN VU NO CEO TELEMOR NIAN, SR. TRAN VAN BANG HALO ENKONTU hO S.E. SR. PREZIDENTE REPÚBLIKA DEMOKRÁTIKA TIMOR-LESTE NIAN DR. JOSE RAMOS HORTA

Vise Prezidente Viettel Group, Sr. Dao Xuan Vu no CEO Telemor nian, Sr. Tran Van Bang halo enkontu ho S.E. Sr. Prezidente Repúblika Demokrátika Timor-Leste nian Dr. Jose Ramos Horta kona-ba eventu aniversáriu tinan 10 Telemor nian no haree hikas ba tinan 10 investimentu no kontribuisaun Telemor nian iha Timor-Leste.
Iha okaziaun ne’e, Vise Prezidente Viettel Group nian hato’o ninia agradesimentu boot ba S.E. Sr. Prezidente Repúblika Demokrátika Timor-Leste, Dr. Jose Ramos Horta, Guvernu no entidade tomak iha Timor-Leste ba apoiu tomak ne’ebé mak fó ona ba Telemor iha tinan 10 liubá kotuk, no espera katak sei hetan apoiu ne’ebé boot liután husi S.E. Sr. Prezidente no Guvernu Timor-Leste no entidade tomak hodi dezenvolve teknolójia iha Timor-Leste no kontinua investe barak liután hodi kontribui ba Timor-Leste nian di’ak.
Iha enkontru ne’e, S.E. Sr. Prezidente simu ho laran haksolok, Vise Prezidente Viettel Group no CEO Telemor nia iha Palasiu Prezidente Aitarak Laran.