TELEMOR FINTECH MANÁN KONDEKORASAUN PRÉMIU HANESAN KOMPAÑIA FINANSEIRA NE'EBÉ DI'AK LIU HUSI BANKU SENTRAL

Telemor Fintech (Mosan) partisipa iha aniversáriu BCTL ba da-12 no partisipa mos pose ba governador foun ba BCTL 2023.
Iha sermonia refere Telemor Fintech (Mosan) sai hanesan kompañia finanseira no organizasaun sira ne'ebé opera iha Timor-Leste, no hetan kondekorasaun husi Banco Central Timor-Leste ho titulu The Exelent Financial Company Award
Ida ne’e sai hanesan onra boot ida ba iha Telemor Finteech (Mosan) tanba nafatin hetan fiar husi BCTL hodi sai hanesan kompañia finanseira no organizasaun sira ne'ebé opera iha Timor-Leste no nafatin simu kondekorasaun husi BCTL iha tinan ida ne’e.
Durante iha serimónia nia laran, Telemor Fintech (Mosan) liu kandidatu sira seluk ne'ebé forte, inklui banku boot sira iha Timor-Leste, ne'ebé hola parte iha kategoria ida-ne'e. Ida ne'e sai nu'udar evidénsia boot liu hotu kona-ba rekoñesimentu husi Banku Sentral kona-ba kontribuisaun husi Telemor Fintech (Mosan) iha jornada "Lori servisu finanseiru ba uma ida-idak" iha nasaun kiik liu iha Sudeste Aziatiku.
Kondekorasaun ou Prémiu ida-ne'e mós sai nu'udar motivasaun boot ba Telemor Fintech (Mosan) atu kontinua ninia jornada ida-ne'ebé nakonu dezafiu maibé glóriasa tebes kona-ba "Lori servisu finanseiru ba uma ida-idak." Ho rekoñesimentu husi Banku Sentral, ho satisfasaun no oin-midar husi sidadaun Timor-Leste ida-idak, inklui mós sira ne'ebé iha área remotas ou dook, atu bele asesu ba servisu finanseiru ne'ebé di'ak liu, Telemor Fintech sai fiar-an liu tan iha propozisaun katak "Ita halo buat ne'ebé loos." Telemor Fintech (Mosan) sempre agradese ba orientasaun no matadalan ou diresaun husi Banku Sentral, no mós sempre rona ba nesesidade husi kliente sira rihun ba rihun, atu nune'e bele kontinua halo inovasaun no serve kliente sira di'ak liu loron-loron. Liu-liu, Telemor Fintech (Mosan) sente orgullu sai parte ida husi Timor-Leste, hodi servisu no kontribui ba dezenvolvimentu Timor-Leste nian iha jerál no liu-liu ba povu nia moris. Desejo, Telemor Fintech (Mosan) nia jornada bele nabilan no naroman liu tan!